کچے کے 20 سے زائد ڈاکوؤں کا صادق آباد میں نواز آباد مارکیٹ پر حملہ، لوٹ مار
صادق آباد: (دنیا نیوز) کچے کے 20 سے زائد مسلح ڈاکوؤں نے نواز آباد مارکیٹ پر حملہ کیا اور لوٹ مار کی۔
مزاحمت پر ڈاکوؤں کی فائرنگ سے 2 دکاندار شدید زخمی ہو گئے، ڈاکوؤں نے لوٹ مار کے بعد گاڑی کو روک کر 3 افراد کو اغوا کر لیا۔
اہل علاقہ کے تعاقب اور فائرنگ پر ڈاکوؤں نے دو مغوی کو چھوڑ دیا، ایک کو کچے میں لے گئے، علاقے میں خوف و ہراس پھیل گیا۔
زخمی کو ہسپتال منتقل کر دیا گیا، اطلاع ملنے پر پولیس کی بھاری نفری موقع پر پہنچ گئی، پولیس کی بھاری نفری نے بکتر بند گاڑیوں میں علاقے میں سرچ آپریشن شروع کر دیا۔
