اے این ایف نے بھاری مقدار میں منشیات برآمد کر کے 4 ملزمان گرفتار کرلئے
کراچی: (دنیا نیوز) اینٹی نارکوٹکس فورس (اے این ایف) نے مختلف 7 کارروائیوں میں بھاری مقدار میں منشیات برآمد کر کے 4 ملزمان کو گرفتار کر لیا۔
ترجمان اے این ایف کے مطابق کارروائیاں پشاور، اسلام آباد، کراچی، چاغی، پسنی، حیدر آباد، اٹک میں کی گئی۔
حکام کا کہنا ہے کہ کارروائی کے دوران 149.884 کلو گرام منشیات برآمد کی گئی، پکڑی گئی منشیات میں 90 کلو افیون، 48 کلو چرس، 11 کلو ہیروئن، 650 گرام آئس، 30 ہیروئن بھرے کیپسولز، 31 نشہ آور گولیاں شامل ہیں۔
ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔
