ٹرمپ ایک فائٹر جس نے عوامی حمایت کو قائم رکھا: مشاہد حسین
اسلام آباد:(دنیا نیوز) سینیٹر مشاہد حسین سید نے کہا ہے کہ ڈونلڈ ٹرمپ ایک فائٹرجس نے عوامی حمایت کو قائم رکھا۔
دنیا نیوزکےپروگرام’’دنیا مہربخاری کےساتھ‘‘میں گفتگو میں کرتے ہوئے سینیٹر مشاہد حسین سید کا کہنا تھا کہ ، ڈونلڈ ٹرمپ کےخلاف سازش کا الزام بھی لگایا گیا، الزامات کے باوجود انہوں نےکم بیک کیا ہے۔
انہوں نے کہا کہ ٹرمپ نے وکٹری سپیچ میں علاقائی امن، دفاع، سکیورٹی تعاون اور دوطرفہ تعلقات بڑھانے کی حکمت عملی پر بات چیت کی، ڈونلڈ ٹرمپ ایک فائٹرہیں، جس نےعوام میں اپنی حمایت کوقائم رکھا، جوبائیڈن کےخلاف سوفٹ ’کو‘ہوا ہے۔
مشاہد حسین سید کا مزید کہنا تھا کہ امریکن اسٹیبلشمنٹ کوبہت بڑی شکست ہوئی، ڈونلڈ ٹرمپ نےکملا ہیرس سےبہت زیادہ ووٹ لیےہیں، مجھے ان کی جیت پرخوشی ہوئی، وہ جنگوں کے بجائے جنگوں کو بند کرنے پر یقین رکھتے ہیں۔
