میچ جیتنے اور ہارنے کے بعد بھی سیکھنے کی کوشش کرتے ہیں: محمد رضوان
ہوبارٹ: (دنیا نیوز) قومی کرکٹ ٹیم کے کپتان محمد رضوان نے کہا ہے کہ میچ جیتنے اور ہارنے کے بعد بھی سیکھنے کی کوشش کرتے ہیں۔
ہوبارٹ میں پریس کانفرنس کرتے ہوئے قومی کرکٹ ٹیم کے کپتان محمد رضوان کا کہنا تھا کہ نئے کھلاڑیوں نے اچھا پرفارم کیا، ون ڈے میں باؤلرز نے اچھی کارکردگی دکھائی، آج کے میچ میں بابر اعظم بھی فارم میں نظر آئے، امید ہے حارث رؤف مستقبل میں بھی اچھا پرفارم کریں گے۔
انہوں نے کہا کہ آج کے میچ میں اچھا آغاز ہوا لیکن مڈل اوورز میں فائدہ نہیں اٹھا سکے، میچ جیتنے اور ہارنے کے بعد بھی سیکھنے کی کوشش کرتے ہیں، زمبابوے میں بھی نئے کھلاڑیوں کو موقع دیں گے، امید ہے مستقبل میں اچھا کمبی نیشن بن جائے گا، جنوبی افریقہ کے خلاف سیریز جیتنے کی کوشش کریں گے۔
