لاہور بار ایسوسی ایشن کے سالانہ انتخابات کل ہوں گے، 35 امیدوار مدمقابل
لاہور: (دنیا نیوز) لاہور بار ایسوسی ایشن کے سالانہ انتخابات کل (11 جنوری بروز ہفتہ) ہوں گے، 11 نشستوں پر 35 امیدوار مدمقابل ہیں۔
لاہور بار کے الیکشن میں مجموعی طور پر 14 ہزار 712 ووٹرز بائیو میٹرک سسٹم کے تحت ووٹ کاسٹ کر سکیں گے، پولنگ کا عمل صبح 9 بجے سے شام 5 بجے تک جاری رہے گا، ووٹر وکلا بائیو میٹرک طریقے سے ووٹ کاسٹ کریں گے، ضابطہ اخلاق کی خلاف ورزی پر تمام امیدواروں کو لاکھوں روپے کے جرمانے ہو سکتے ہیں۔
لاہور بار ایسوسی ایشن کے سالانہ انتخابات میں صدر کی نشست پر 4 امیدوار مدمقابل ہوں گے، صدر کی نشست پر ایڈووکیٹ عرفان حیات باجوہ، مبشر رحمان چودھری، ادیب اسلم بھنڈر اور میاں فیض علی مدمقابل ہوں گے۔
نائب صدر لاہور بار کی سیٹ پر 6 امیدوار مدمقابل ہوں گے، نائب صدر کی نشست پر ساجد حسین بلوچ، ملک افضل بشیر، ملک سیف کھوکھر، میاں شرجیل، میاں طاہر منیر اور ہمایوں ظہیر بھٹی کا مقابلہ ہوگا۔
نائب صدر ماڈل ٹاؤن کچہری سیٹ پر 3 امیدوار مدمقابل ہوں گے جن میں آصف کنول خان، اسلم بھلر اور وقاص کاہلوں شامل ہیں، نائب صدر کینٹ کچہری سیٹ پر 3 امیدوار مدمقابل ہوں گے، نائب صدر کینٹ کچہری سیٹ پر افلاطون جھکڑ، زاہد محمود گل اور عابد لطیف کھوکھر کا مقابلہ ہوگا۔
انتخابات میں سیکرٹری لاہور بار کی سیٹ پر 6 امیدوار مدمقابل ہوں گے، سیکرٹری لاہور بار کی سیٹ پر جنید حیدر انصاری ، شعیب اشرف بھٹی ، ملک شرجیل کھوکھر، ملک فہد نثار کھوکھر، نصیر بھلہ اور وقار خان میں مقابلہ ہوگا، اس کے علاوہ جوائنٹ سیکرٹری کی سیٹ پر 3 امیدوار مدمقابل ہوں گے، جوائنٹ سیکرٹری کی سیٹ پر ثمینہ بسرا، حافظ شجاعت علی اور شکیل اسحاق خان میں مقابلہ ہوگا۔
مزید برآں فنانس سیکرٹری کی نشست پر 3 امیدوار مدمقابل ہوں گے، فنانس سیکرٹری کی نشست پر اعجاز گجر، زوہیب خان اور ملک ندیم مدمقابل ہوں گے، لائبریری سیکرٹری کی نشست پر 4 امیدوار مدمقابل ہوں گے، لائبریری سیکرٹری کی نشست پر ارشد چدھڑ، ایم فریاد چودھری، ثمینہ کھوکھر اور عدنان امجد بھٹی مدمقابل ہوں گے۔
آیٹر کی نشست پر پروفیسر عتیق احمد خان اور راحیلہ حفیظ رانا کا ون ٹو ون مقابلہ ہوگا۔
