کراچی: چند گھنٹوں کے دوران فائرنگ سے 4 افراد جاں بحق
کراچی: (دنیا نیوز) کراچی میں چند گھنٹوں کے دوران فائرنگ سے 4 افراد زندگی کی بازی ہار گئے۔
لنک روڈ پھاٹک کے قریب ڈکیتی مزاحمت پر ایک شخص جاں بحق ہوگیا، کورنگی ضیاء کالونی سیکٹر32A میں فائرنگ سے ایک شخص دم توڑ گیا۔ سپرہائی وےغازی گوٹھ میں بھی گولیاں چل گئیں، ایک شخص جاں بحق ہوگیا، لانڈھی ریڑھی روڈ گلی نمبر7 میں بھی فائرنگ سے ایک شخص زندگی کی بازی ہار گیا۔
ریسکیو اہلکاروں نے لاشیں ہسپتال منتقل کردیں، لنک روڈ پھاٹک کے قریب شہری کی ہلاکت پر علاقہ مکینوں اور لواحقین نے نیشنل ہائی وے پر دھرنا دیا، قاتلوں کو فوری گرفتار کرنے کا مطالبہ کرتے رہے، احتجاج کے باعث ٹریفک کی آمدورفت شدید متاثر ہوئی۔
