کوئٹہ اور گردونواح میں زلزلے کے جھٹکے، شدت 2.9 ریکارڈ
کوئٹہ: (دنیا نیوز) کوئٹہ اور گردونواح میں زلزلے کے جھٹکے محسوس کئے گئے۔
زلزلہ پیما مرکز کے مطابق ریکٹر سکیل پر زلزلے کی شدت 2.9 ریکارڈ کی گئی، زلزلے کی گہرائی 30 کلومیٹر تھی، جبکہ زلزلے کا مرکز کوئٹہ سے 40 کلومیٹر شمال مشرق کی جانب تھا۔
زلزلے کے جھٹکے محسوس ہونے پر شہری کلمہ طیبہ کا ورد کرتے ہوئے گھروں سے باہر نکل آئے، فی الحال کسی قسم کے جانی اور مالی نقصان کی اطلاع نہیں ملی۔
یاد رہے کہ 26 دسمبر کو بھی بلوچستان کے درالحکومت کوئٹہ میں زلزلے کے جھٹکے محسوس کئے گئے تھے۔
زلزلہ پیما مرکز کے مطابق زلزلے کی شدت 2.4 اور زیر زمین گہرائی 10 کلو میٹر ریکارڈ کی گئی تھی، جبکہ زلزلے کا مرکز کوئٹہ سے 38 کلو میٹر دور شمال مغرب میں تھا۔
