پنجاب: کئی روز سے شدید دھند کا راج برقرار، موٹر ویز آج بھی بند
لاہور:(دنیا نیوز) پنجاب مین کئی روز سے شدید دھند کا راج برقرار ہے جس کے باعث موٹر ویز آج بھی بند کردی گئیں۔
موٹر ویز سینٹرل ریجن کے مطابق دھند کے باعث حد نگاہ کم ہونے سے موٹروے ایم 2 پر لاہور تا کوٹ مومن تک گاڑیوں کا داخلہ ممنوع ہے، ایم 3 فیض پور سے درخانہ جبکہ ایم 4 پنڈی بھٹیاں سے ملتان تک بند ٹریفک کیلئے بند کر دی گئی۔
اسی طرح ایم 5 ملتان سے روہڑی اور ایم 11 پر لاہور سے سمبڑیال تک گاڑیوں کو انٹری کی اجازت نہیں ہے، قومی شاہراہ پر لاہور، مانگا منڈی، پتوکی، اوکاڑہ، ساہیوال، احمد پور شرقیہ میں بھی دھند کے ڈیرے ہیں۔
علاوہ ازیں میاں چنوں، خانیوال، ملتان، بستی ملوک، لودھراں، بہاولپور، رحیم یار خان اور صادق آباد میں بھی شدید دھند کے باعث ٹریفک کی روانی متاثر ہے۔
ترجمان موٹر ویز نے شہریوں کو غیر ضروری سفر سے گریز کی ہدایت کرتے ہوئے کہا ہے کہ خراب موسمی صورت حال کے پیش نظر دن کے اوقات میں سفر زیادہ محفوظ ہے۔
