بھارتی میڈیا نے طیارہ حادثے میں نائب وزیراعلیٰ کی ہلاکت کو مشکوک قرار دے دیا
نئی دہلی: (دنیا نیوز) بھارتی میڈیا نے طیارہ حادثے میں نائب وزیراعلیٰ اجیت پوار کی ہلاکت کو مشکوک قرار دے دیا۔
بھارتی میڈیا کے مطابق بھارتی ریاست مہارشٹرا کےنائب وزیراعلیٰ کی طیارہ حادثہ کی ابتدائی تحقیقاتی رپورٹ کے مطابق پائلٹ نے مے ڈے کال نہیں دی تھی، وزیراعظم مودی اور بی جے پی کے خلاف آواز کو بڑی سازش کے تحت خاموش کر دیا گیا ہے۔
بھارتی میڈیا کا کہنا ہے کہ اجیت پوار نے 15 جنوری کو پی سی ایم سی اور پونے میں بی جے پی کی کرپشن بے نقاب کی تھی، جس میں قومی مالیاتی راز شامل تھے، اجیت پوار نے بی جے پی کو بدعنوان، لٹیروں اور عوام دشمن گروہ قرار دیتے ہوئے شدید تنقید کی، جس کے بعد ان پر دباؤ بڑھا۔
اجیت پوار بی جے پی کی کرپشن اور مالی راز بے نقاب کرنے کے حوالے سے کھل کر بولتے تھے، بھارتی سیاسی رہنماؤں، بشمول ممتا بینرجی، نے طیارہ حادثے کو گہری سازش کا نتیجہ قرار دیتے ہوئے سپریم کورٹ سے فوری تحقیقات کا مطالبہ کیا ہے۔
سیاسی مبصرین کا کہنا ہے کہ بی جے پی نے دیانت دار لیڈر کو خاموش کرانے کے لیے منصوبہ بندی کی؟ کیا بھارتی حکومت طیارہ حادثے کی غیر جانبدارانہ تحقیقات کروائے گی ؟ یا اس معاملے پر بھی مجرمانہ خاموشی ہو جائے گی۔
بھارتی میڈیا کے مطابق مختلف حلقوں کی طرف سے ان کی موت کے پیچھے مبینہ طور پر وزیر اعظم مودی کا نام لیا جارہا ہے۔
