بجلی کے بلوں میں 4 روپے 4 پیسے فی یونٹ کمی کا فیصلہ ہوگیا: اویس لغاری کا دعویٰ
اسلام آباد :(دنیا نیوز) وزیرِ توانائی اویس لغاری نے کہا ہے کہ بجلی کے بلوں میں 4 روپے 4 پیسے فی یونٹ کمی کا فیصلہ کر لیا۔
صنعتی ٹیرف میں کمی سے متعلق سماجی رابطے کی ویب سائٹ ایکس (سابقہ ٹوئٹر) پر اہم پیغام جاری کرتے ہوئے اویس لغاری کا کہنا تھا کہ حکومت کے ابتدائی دور میں یہ بوجھ 8 روپے 90 پیسے فی یونٹ تھا، تاہم وزیراعظم کی رہنمائی میں آج یہ بوجھ صفر ہو چکا ہے۔
— Awais Leghari (@akleghari) January 30, 2026
انہوں نے مزید کہا کہ ویلنگ چارجز میں بھی کراس سبسڈی کی مد میں 4 روپے 4 پیسے فی یونٹ کمی کی جائے گی۔
وزیر توانائی کا مزید کہنا تھا کہ ان فیصلوں کے بعد مجموعی طور پر صنعتوں کو بجلی اب تقریباً ساڑھے 11 سینٹ فی یونٹ دستیاب ہوگی۔
