ایس ای سی پی نے نان لسٹڈ کمپنیوں کو بڑا ریلیف دے دیا
کراچی: (دنیا نیوز) ایس ای سی پی کا احسن قدم، نان لسٹڈ کمپنیوں کے فزیکل شیئرز ڈیجیٹل کرنے کے لیے بڑا ریلیف دیدیا۔
ایس ای سی پی کے مطابق 2 کروڑ 50 لاکھ تک پیڈ اپ کپیٹل والی کمپنیوں کی سالانہ فیس ایک سال کے لیے معاف ہوگی، سکیورٹی ڈپازٹ اور کنورژن فیس بھی پہلے سال کیلئے معاف ہے۔
2 کروڑ 50 لاکھ سے زائد پیڈ اپ کپیٹل والی کمپنیوں کو صرف سالانہ فیس ادا کرنا ہوگی، رضاکارانہ طور پر شیئرز ڈیجیٹل کرنے والی کمپنیوں کو بھی فیس میں ریلیف ملے گا۔
ایس ای سی پی کے مطابق نان لسٹڈ کمپنیوں کے فزیکل شیئرز کو بک انٹری فارم میں تبدیل کرنا لازمی قرار دیا گیا ہے۔
کمپنیوں کو بونس، رائٹس اور بائے بیک کے لیے شیئرز کو ڈیجیٹل کرنا لازمی ہے، ڈیجیٹل شیئرز سے تنازعات میں کمی اور نظام زیادہ موثر ہوگا۔
