عالمی امن کیلئے پاکستان کی مؤثر سفارتکاری، بھارت اور اسرائیل کا پروپیگنڈا بے نقاب
اسلام آباد: (دنیا نیوز) عالمی امن کیلئے پاکستان کی مؤثر سفارتکاری کے باعث بھارت اور اسرائیل کا گمراہ کن پروپیگنڈا بے نقاب ہوگیا۔
نشریاتی ادارے سی بی ایس نے ایرانی طیاروں کی پاکستان میں موجودگی کا من گھڑت اور منظم پروپیگنڈا کیا، یہ امر انتہائی اہمیت کا حامل ہے کہ سی بی ایس، پیراماؤنٹ گلوبل کی ملکیت ہے، جو کہ ریلائنس نیٹ ورکس سے منسلک ہے۔
ریلائنس نیٹ ورکس بھارتی کاروباری شخصیت مکیش امبانی کی ملکیت ہے، بھارتی بزنس مین مکیش امبانی انتہاپسند مودی کے قریبی ساتھیوں میں شمار ہوتا ہے۔
انتظامی تبدیلیوں کے بعد سی بی ایس میں بھارتی بزنس مین مکیش امبانی کا براہ راست اثرو رسوخ بڑھ گیا ہے، اسرائیلی وزیراعظم نے بھی سی بی ایس کے پلیٹ فارم کو استعمال کرتے ہوئے امریکا اسرائیل تعلقات میں کشیدگی کا الزام بھی پاکستان پرعائد کیا۔
ماہرین کے مطابق پاکستان کے بطور ثالث کردار پر گمراہ کن بھارتی اور اسرائیلی پروپیگنڈا عالمی امن کو سبوتاژ کرنے کی مذموم سازش ہے۔
مکیش امبانی کے سی بی ایس پر اثر و رسوخ نے پوری پروپیگنڈا مہم کے پسِ پردہ محرکات کو بے نقاب کر دیا ہے۔
