حکومت کا مقصد کاروباری اداروں مختلف شعبوں کو ٹیکنالوجی سپورٹ دینا ہے: شزا فاطمہ
سیالکوٹ:(دنیا نیوز) وفاقی وزیرانفارمیشن ٹیکنالوجی شزہ فاطمہ خواجہ نے کہا کہ حکومت کا مقصد کاروباری اداروں اورمختلف شعبوں کو ٹیکنالوجی سپورٹ فراہم کرنا ہے۔
نجی موبائل کمپنی اور نیشنل انکیوبیشن سینٹر سیالکوٹ کے درمیان ایم او یو پر دستخطوں کی تقریب سے خطاب کرتے ہوئے شزا فاطمہ خواجہ کا کہنا تھا کہ این آئی سی حیدرآباد سینٹر نے 1.2ارب روپے کی آمدن حاصل کی ہے۔
اُنہوں نے کہا کہ پاکستان کی مجموعی برآمدات کا 10 فیصد سیالکوٹ سے آتا ہے، سیالکوٹ کی صنعت انتہائی متحرک ہے، مصنوعی ذہانت کے دور میں عالمی آٹو انڈسٹری کے ساتھ مسابقت کیسے برقرار رکھی جائے گی۔
وفاقی وزیر انفارمیشن ٹیکنالوجی کا کہنا تھا کہ حکومت کا مقصد کاروباری اداروں اور مختلف شعبوں کو ٹیکنالوجی سپورٹ فراہم کرنا ہے، انہوں نے منصوبے کو ترقی کے لحاظ سے ایک شاندار آپریشن قرار دیا ہے۔
شزا فاطمہ نے کہا کہ این آئی سی کو صنعتوں کو درپیش چیلنجز کو مدنظر رکھتے ہوئے اپنی خدمات فراہم کرنا ہوں گی۔
