پاک بھارت کرکٹ صورتحال، سابق انگلش کرکٹر مارک باؤچر کا تبصرہ بھی سامنے آگیا
لندن: (دنیا نیوز) سابق انگلش کرکٹر مارک باؤچر کا پاک بھارت کرکٹ کی صورتحال پر تبصرہ بھی سامنے آگیا۔
مارک باؤچر نے کہا کہ پاک بھارت میچ دنیا کا سب سے زیادہ منافع بخش مقابلہ ہے، آئی سی سی کو یقینی بنانا ہوتا ہے کہ بھارت اور پاکستان کی ٹیمیں ایک ہی گروپ میں ہوں۔
سابق انگلش کرکٹر نے کہا کہ پاکستان اور بھارت کا ایک ہی گروپ میں شامل ہونا طے شدہ فارمولا ہے، باقی ٹیموں کے معاملے میں سب ضابطے کے تحت ہوتا ہے۔
مارک باؤچر نے کہا کہ چیمپئنز ٹرافی میں بھارت کے لیے خصوصی انتظام کیا گیا، بھارتی ٹیم چیمپئنز ٹرافی کھیلنے کے لیے پاکستان نہیں گئی۔
انہوں نے کہا کہ بھارت کو چیمپئنز ٹرافی کے میچز دبئی میں کھیلنے کی اجازت دی گئی لیکن بنگلا دیش کو اس کی اجازت نہیں دی گئی۔
سابق انگلش کرکٹر نے کہا کہ بھارت جہاں چاہتا ہے کھیلتا ہے، دوسری ٹیموں کو ایڈجسٹ کرنا پڑتا ہے، پاکستان کے پاس بھارت اور آئی سی سی پر دباؤ ڈالنے کا واحد موقع تھا۔
