سبی اور گردونواح میں زلزلے کے جھٹکے، شدت 3.2 ریکارڈ
کوئٹہ:(دنیا نیوز) بلوچستان کے ضلع سبی اور گردونواح میں زلزلے کے جھٹکے محسوس کئے گئے۔
زلزلہ پیما مرکز کے مطابق زلزلے کی شدت 3عشاریہ 2 ریکارڈ کی گئی، جب کہ گہرائی زیر زمین 11 کلومیٹر تھی۔
دوسری جانب زلزلے کا مرکز سبی سے 53 کلومیٹردور شمال مغرب میں تھا۔
زلزلے کے بعد علاقے میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے، تاہم ابتدائی طور پر کسی بھی قسم کے نقصان کی اطلاعات موصول نہیں ہوئیں۔
