جاپان کے ریجن کانتو میں سمندری طوفان، سینکڑوں پروازیں منسوخ
![](https://img.dunyanews.tv/news/2024/August/08-17-24/news_big_images/831331_83835205.jpg)
ٹوکیو: (ویب ڈیسک) ٹوکیو سمیت جاپان کے ریجن کانتو کو سمندری طوفان ایمپل کا سامنا ہے۔
ٹوکیو میں طوفانی ہواؤں کے ساتھ بارش اور طوفانی موسم کے باعث پروازوں کی آمدورفت متاثر ہوگئی اور سینکڑوں پروازیں منسوخ کردی گئیں۔
سمندری طوفان اور موسم کی خرابی کے باعث پروازیں منسوخ ہونے کے بعد 1 لاکھ سے زائد مسافر متاثر ہونے کا خدشہ ظاہر کیا گیا ہے۔
سمندری طوفان کے پیش نظر ٹوکیو اور ناگویا کے درمیان چلنے والی تمام بلٹ ٹرینیں بھی منسوخ کردی گئی ہیں۔
جاپانی حکومت نے متاثرہ علاقوں سے تقریباً 19 ہزار رہائشیوں کے انخلاء کے احکامات جاری کردیئے ہیں۔
جاپان میں سمندری طوفان کے باعث 2 ہزار گھروں کو بجلی کی بندش کا بھی سامنا ہے جبکہ جاپان کی موسمیاتی ایجنسی نے طوفان ایمپل کو زیادہ طاقتور طوفان کا درجہ دیا ہے۔