امریکی بحری ناکہ بندی ختم ہونے کے بعد 5 ایرانی جہاز آبنائے ہرمز سے گزر گئے
تہران: (دنیا نیوز) امریکی بحری ناکہ بندی ختم ہونے کے بعد 5 ایرانی جہاز آبنائے ہرمز سے گزر گئے۔
ایران کے سرکاری میڈیا کے مطابق کم از کم تین ایرانی تیل بردار جہاز اور دو کارگو جہاز آبنائے ہرمز سے گزر چکے ہیں، یہ پیش رفت اس وقت سامنے آئی جب امریکہ نے ایران کے ساتھ طے پانے والے معاہدے کے تحت اپنی بحری ناکہ بندی ختم کرنے کا اعلان کیا۔
ایرانی سرکاری میڈیا نے یہ رپورٹ بھی کیا ہے کہ ایک بہت بڑا خام تیل بردار جہاز ایرانی بندرگاہوں کی طرف روانہ ہو چکا ہے۔
آبنائے ہرمز میں بحری سرگرمیوں میں یہ اضافہ معاہدے کے بعد پیدا ہونے والی صورتحال اور سمندری راستے کی بتدریج بحالی کی عکاسی کرتا ہے۔
