نیوز الرٹ
  • بریکنگ :- 24 گھنٹےمیں کوروناکےمزید 1239 کیس رپورٹ،این سی اوسی
  • بریکنگ :- ملک بھرمیں کورونامریضوں کی تعداد 9 لاکھ 41 ہزار 170 ہوگئی
  • بریکنگ :- ملک میں کوروناکےایکٹوکیسزکی تعداد 42 ہزار 290 ہے
  • بریکنگ :- ملک بھرمیں کوروناسےجاں بحق افرادکی تعداد 21 ہزار 689 ہوگئی
  • بریکنگ :- 24 گھنٹےمیں کوروناکے 1610 مریض صحت یاب،این سی اوسی
  • بریکنگ :- کوروناسےصحت یاب افرادکی مجموعی تعداد 8 لاکھ 77 ہزار 191 ہوگئی
  • بریکنگ :- 24 گھنٹےکےدوران 36 ہزار 368 کوروناٹیسٹ کیےگئے
  • بریکنگ :- ملک بھرمیں ایک کروڑ 38 لاکھ 18 ہزار 36 کوروناٹیسٹ کیےجاچکے
  • بریکنگ :- کوروناسےمتاثر 2661 مریضوں کی حالت تشویشناک،این سی اوسی
  • بریکنگ :- پنجاب 3 لاکھ 43 ہزار 926،سندھ میں 3 لاکھ 27 ہزار 604 کیسز
  • بریکنگ :- اسلام آباد 82 ہزار 99،گلگت بلتستان میں 5 ہزار 707 کیسز
  • بریکنگ :- آزادکشمیرمیں کورونامریضوں کی تعداد 19 ہزار 756 ہوگئی،این سی اوسی
  • بریکنگ :- خیبرپختونخواایک لاکھ 35 ہزار 877،بلوچستان میں 26 ہزار 201 کیس رپورٹ
  • بریکنگ :- ملک میں کورونامثبت کیسزکی شرح 3.41 فیصدرہی،این سی اوسی
Coronavirus Updates

غزہ میں اسرائیلی طیاروں کی وحشیانہ بمباری، 9بچوں سمیت 20فلسطینی شہید : مسجد اقصیٰ میں زخمیوں کی تعداد 600 تک پہنچ گئی

غزہ میں اسرائیلی طیاروں کی وحشیانہ بمباری، 9بچوں سمیت 20فلسطینی شہید : مسجد اقصیٰ میں زخمیوں کی تعداد 600 تک پہنچ گئی

دنیا اخبار

صیہونی فورسز کا مسجد اقصیٰ پر تیسرے روز بھی دھاوا ، بدترین تشدد، جھڑپیں،شیلنگ،مزید310فلسطینی زخمی ،رات گئے مسجد کے احاطے میں آگ لگادی گئی ، بمباری پر حماس کے 132جوا بی راکٹ حملے ، صیہونی پارلیمنٹ کا اجلاس فوری ختم ، عمارت خالی ،فلسطین میں آج سوگ ،کئی ممالک میں اسرائیل مخالف مظاہرے

تل ابیب (دنیا مانیٹرنگ)اسرائیلی فورسز نے شمالی غزہ اور بیت حنون میں وحشیانہ بمباری کی جس سے 9بچوں سمیت 20فلسطینی شہید اور70سے زائد زخمی ہوگئے ۔صیہونی فورسز نے مسلسل تیسر ے روز بھی مسجد اقصیٰ پر دھاوابولا، شیلنگ اور جھڑپوں سے مزید310فلسطینی زخمی ہوگئے ،جس سے تین روز میں زخمی ہونیوالے فلسطینیوں کی تعداد600سے تجاوز کرگئی۔اسرائیلی بمباری کے جواب میں حماس نے اسرائیل پر132راکٹ حملے کیے ۔پیر کو مسجد اقصیٰ کے کمپائونڈ اور اطراف میں شدید جھڑپیں ہوئیں، فلسطینیوں نے اسرائیلی فورسز پر پتھراؤ کیا،پولیس نے آنسو گیس کی شیلنگ کے علاوہ سٹن گرنیڈزپھینکے اور ربڑ کی گولیاں چلائیں، جس سے 310فلسطینی زخمی ہوئے ،فلسطینی ہلال احمر کے مطابق زخمیوں میں 228 کو ہسپتال منتقل کر دیا گیا ہے ، جن میں بعض کی حالت تشویشناک ہے ۔ 21 اسرائیلی پولیس اہلکار بھی زخمی ہوئے ۔ اسرائیلی پولیس نے صورتحال کو سنگینی سے بچانے کیلئے یہودی گروپوں کے مقدس مقامات میں داخلے پر پابندی لگا رکھی تھی، تاہم ہزاروں یہودیوں نے روایتی دن کے پیش نظر پرانے شہر کے دمشق گیٹ سے مارچ کیا۔پیر کو رات گئے اسرائیلی پولیس کے حملے سے مسجد اقصیٰ کے احاطے میں آگ لگ گئی،جس پر قریب موجود یہودیوں نے جشن منایا۔ اس سے قبل حماس نے اسرائیل کو چند گھنٹے کاالٹی میٹم دیا ہے کہ وہ مسجد اقصیٰ اور مشرقی بیت المقدس کے علاقے شیخ جراح سے اپنی فورسز فوری نکال لے ،الٹی میٹم کا وقت پورا ہونے کے بعد حماس نے مسجد اقصیٰ پر دھاوا بولنے کے ردعمل میں اسرائیل پر راکٹ حملے کیے ،حماس کے راکٹ حملوں سے ڈر کر صیہونی پارلیمنٹ کا اجلاس فوری طور پر ختم کرکے پارلیمنٹ کی عمارت خالی کرالی گئی،صیہونی فوج نے غزہ اور بیت حنون میں بمباری کی جس سے حماس کے ایک کمانڈر،9بچوں سمیت20 فلسطینی شہید ہوئے ۔ تازہ جھڑپوں کے بعد اسرائیل نے مزید فوج سرحد پر لگادی ۔ادھر فلسطینی صدر نے عید کی تقریبات کو محدود کرنے کا اعلان کرتے ہوئے کہاکہ آج سوگ کا اعلان کردیا۔بمباری اور جھڑپوں کے خلاف فلسطین بھر میں مظاہروں کا سلسلہ شروع ہوگیا۔اسرائیلی وزیراعظم نیتن یاہو نے خبردار کیا ہے کہ حماس نے میزائل داغ کر ‘‘ریڈ لائن ’’ پار کر دی ہے ، جس کا طاقت کیساتھ جواب دیا جائے گا۔دوسری جانب کئی مسلم ممالک میں اسرائیلی مظالم کیخلاف مظاہرے ہوئے ۔امریکی وزیر خارجہ نے دونوں فریقین کو صبر وتحمل سے کام لینے کا مشورہ دیا۔

روزنامہ دنیا ایپ انسٹال کریں
Advertisement