بھارت :مشتعل ہجوم کے تشدد سے معذور مسلمان نوجوان جاں بحق
نئی دہلی (مانیٹرنگ ڈیسک)بھارتی دارالحکومت کے مندر سے پرشاد کھانے والا معذور مسلم نوجوان مشتعل ہجوم کے تشدد سے جاں بحق ہو گیا۔
بھارتی میڈیا کے مطابق واقعہ نئی دہلی کے علاقے سندر نگری میں پیش آیا جہاں 26 سالہ نوجوان اسرار نے مبینہ طور پر مندر سے پرساد کھایا ، موقع پر موجود افراد نے اس پر چوری کا الزام لگاکر اسے کھمبے سے باندھ دیا اور بری طرح تشدد کا نشانہ بنایا جس سے وہ موقع پر جاں بحق ہوگیا ۔ واقعہ کی سوشل میڈیا پر وائرل ویڈیو میں کھمبے سے بندھے نوجوان کو ڈنڈوں سے تشدد کا نشانہ بنتے دیکھا جا سکتا ہے ۔
روزنامہ دنیا ایپ انسٹال کریں
