ایران :صدارتی انتخاب کیلئے ووٹنگ نتائج کا اعلان 2روز میں ہو گا
![ایران :صدارتی انتخاب کیلئے ووٹنگ نتائج کا اعلان 2روز میں ہو گا](https://dunya.com.pk/news/2024/June/06-29-24/news_big_images/2370919_58909024.jpg)
تہران(مانیٹرنگ ڈیسک)ایران میں گزشتہ روز قبل از وقت صدارتی انتخاب کیلئے ووٹ ڈالے گئے ۔ صدر ابراہیم رئیسی کے ہیلی کاپٹر حادثے میں جاں بحق ہونے کے باعث ایران میں قبل از وقت صدارتی انتخاب ہو رہا ہے ۔
انتخاب میں 4 امیدواروں سعید جلیلی، محمد باقر، مسعود پزیشکیان اور مصطفی پورمحمدی کے درمیان مقابلہ ہے جبکہ 2 امیدوار دستبردار ہوچکے ۔صدارتی انتخاب میں 6 کروڑ 10 لاکھ سے زائد ووٹرز نے اپنا حق رائے دہی استعمال کیا ۔ نتائج کا اعلان 2 روز میں کیا جائے گا۔ کوئی بھی امیدوار 50 فیصد سے زائد ووٹ حاصل نہ کرسکا تو انتخابات کا دوسرا مرحلہ ہوگا۔