ایتھوپیا :ٹرک دریا میں جاگرا، شادی میں شرکت کیلئے جانیوالے 71افراد ہلاک
ادیس ابابا(اے ایف پی)افریقی ملک ایتھوپیا میں ایک ٹرک دریا میں گر گیا جس کے نتیجے میں 71 افراد ہلاک ہوگئے ۔
میڈیا رپورٹ کے مطابق شادی میں شرکت کیلئے جانیوالے ٹرک کو حادثہ ضلع بونا میں پیش آیا ۔ ایتھوپیا کے سرکاری ٹی وی کے مطابق ہلاک ہونے والوں میں 68 مرد اور 3 خواتین شامل ہیں۔ خیال رہے کہ ایتھوپیا میں ڈرائیونگ کے برے معیار اور گاڑیوں کی فٹنس نہ ہونے کی وجہ سے ہر سال ٹریفک حادثات میں کئی قیمتی انسانی جانیں ضائع ہو جاتی ہیں۔ 2018 میں ایتھوپیا میں ایک بس کھائی میں گرنے سے 38 افراد کی ہلاکت ہوئی تھی جن میں اکثریت طلباکی تھی۔
روزنامہ دنیا ایپ انسٹال کریں
