سعودی عرب :پاکستانیوں کی بس کو حادثہ، 5جاں بحق
جدہ (مانیٹرنگ ڈیسک)سعودی عرب میں عمرہ زائرین کی بس کو حادثہ پیش آیا ہے جس میں 3 خواتین سمیت 5 افراد جاں بحق ہوگئے ، متعدد افراد زخمی بھی ہوئے ، جاں بحق افراد کا تعلق پاکستان سے تھا۔
عمرہ زائرین کی بس البدر سے مدینہ منورہ جاتے ہوئے ٹرالر سے ٹکرا کر حادثے کا شکار ہوئی۔ریسکیو ذرائع کے مطابق لاشوں اور زخمیوں کو قریبی ہسپتالوں میں منتقل کر دیا گیا ، زخمیوں میں خواتین، بچے اور بزرگ شامل ہیں۔ذرائع کے مطابق جاں بحق خواتین اور مردوں کا تعلق پاکستان کے ضلع بہاولنگر سے ہے ۔جاں بحق خواتین میں سے دو کا تعلق ضلع بہاولنگر کے گاؤں 228 نائن آر سے ہے ، تیسری خاتون کا تعلق بہاولنگر کے نواحی گاؤں 201 مراد سے ہے ۔مردوں میں ایک بزرگ کا تعلق نواحی گاؤں 39 تھری آر سے ہے ،دوسرے بزرگ کا تعلق ڈاہرنوالہ سے بتایا جا رہا ہے ۔
روزنامہ دنیا ایپ انسٹال کریں
