پاکستان کیلئے جاسوسی کا الزام بھارتی خاتون یوٹیوبر گرفتار
چندی گڑھ(مانیٹرنگ ڈیسک)بھارتی پولیس نے پاکستان کیلئے جاسوسی کے الزام میں خاتون یوٹیوبر جیوتی ملہوترا کو ریاست چندی گڑھ کے۔۔
علاقے ہسار سے حراست میں لیا ہے ۔ جیوتی کے یوٹیوب پر سبسکرائبر کی تعداد پونے 4 لاکھ سے زائد ہے ۔پولیس حکام کے مطابق اُن کی سرگرمیاں بھارتی سلامتی کے لئے خطرہ تصور کی جارہی تھیں۔ پولیس نے الزام لگایا کہ جیوتی نے 2023 میں پاکستان کا دورہ کیا اور پاکستانی ایجنٹوں سے واٹس ایپ، ٹیلی گرام اور اسنیپ چیٹ جیسے پلیٹ فارمز کے ذریعے معلومات شیئر کیں۔ خاتون کیخلاف مقدمہ درج کرلیا گیا ۔
روزنامہ دنیا ایپ انسٹال کریں
