بیٹے کیلئے شادی کی اسی کی خاطر طلاق لی:حدیقہ کیانی
کراچی(آئی این پی)گلوکارہ و اداکارہ ہ حدیقہ کیانی نے انکشاف کیا ہے کہ انہوں نے طلاق اپنے گود لئے بیٹے کیلئے لی تھی۔
اپنے ایک انٹرویو میں انہوں نے بتایا کہ انہوں نے اپنے بیٹے کے لیے شادی کی اور اس ہی کی خاطر شوہر سے طلاق بھی لے لی، جس کے بعد انہوں نے دوبارہ شادی نہیں کی۔ انہوں نے بتایا کہ اکتوبر 2005 کے خوفناک زلزلے کے دوران انہوں نے ایدھی فاؤنڈیشن سے ایک بچہ گود لیا تھا جس کا نام انہوں نے نادعلی رکھا۔ حدیقہ کیانی کا کہنا تھا کہ بچے کو گود لینا ان کی زندگی کا سب سے حسین تجربہ تھا اور وہ اپنے بیٹے کیلئے بہت حساس ہیں۔
روزنامہ دنیا ایپ انسٹال کریں
