عنزیلہ عباسی ٹاپ 21مس یونیورس پاکستان کیلئے شارٹ لسٹ
لاہور(شوبزڈیسک)پاکستانی شوبز کی معروف اداکارہ جویریہ عباسی کی بیٹی بڑا اعزاز اپنے نام کرنے کے لیے منتخب ہو گئیں۔
اگست 2024 میں شادی کے بندھن میں بندھنے والی عنزیلہ عباسی کا نام ٹاپ 21 مس یونیورس پاکستان کے لیے شارٹ لسٹ ہوا ہے جس پر ان کی والدہ جویریہ عباسی خوشی سے نہال ہیں۔ جویر یہ عباسی نے انسٹا گرام پر مس یونیورس پاکستان کی پوسٹ پر تبصرہ کرتے ہوئے اپنی بیٹی کے لیے لکھا کہ میں تمہارے لیے بہت خوش ہوں، مجھے تم پر فخر ہے اور امید ہے کہ تم ضرور کامیابی حاصل کروں گی۔ خیال رہے اداکار شمعون عباسی کی بیٹی عنزیلہ عباسی نے حال ہی میں اپنے شوہر تشفین انصاری کے ہمراہ ایک نجی ٹی وی چینل کے پروگرام میں شرکت کی تھی جس میں انہوں نے انکشاف کیا کہ ان کی پسند کی شادی ہوئی ہے اور دونوں کی ملاقات 2021 میں ہنزہ میں ہوئی تھی۔
روزنامہ دنیا ایپ انسٹال کریں
