وزن کم کرنے کیلئے سفید نمک کو غذا سے نکال دیں:شائستہ لودھی
لاہور(شوبزڈیسک)مارننگ شو ہوسٹ اور اداکارہ شائستہ لودھی نے وزن کو کنٹرول کرنے کیلئے اپنے تجربے سے ایک مفید مشورہ دیتے ہوئے کہا کہ اگر آپ جلد سے جلد وزن کم کرنا چاہتے ہیں تو سفید نمک کو غذا سے نکال دیں۔۔۔
ساتھ ہی اداکارہ نے اس کے جسم پر پڑنے والے نقصانات بھی بتائے۔ شائستہ نے کہا کہ نمک کا استعمال ضروری ہے، لیکن نمک کی نوعیت اور مقدار کا خیال رکھنا چاہیے۔ انہوں نے مشورہ دیا کہ اگر تین دن کے لیے سفید نمک با لکل بند کر دیں تو وزن میں کم از کم 1.5 کلوگرام کی کمی آئے گی کیونکہ یہ پانی کے وزن کو کم کرتا ہے، اور بلوٹنگ سے نجات ملتی ہے ۔اداکارہ نے ہمالین نمک، لاہوری نمک یا پنک سالٹ کا استعمال کرنے کی تجویز دی اور کہا کہ ان کا استعمال بھی ایک نارمل مقدار میں کرنا چاہیے کیونکہ زیادہ نمک کھانا ذہنی صحت پر برا اثر ڈالتا ہے اور یہ جسم کو پھولا ہوا محسوس کراتا ہے ۔شائستہ نے مشورہ دیا کہ صحت مند طرزِ زندگی کے لیے کم مقدار میں معیاری نمک کا استعمال کریں۔
