روٹ کی حکمرانی ختم، ہیری بروک دنیا کے نمبر ون ٹیسٹ بیٹر
دبئی (سپورٹس ڈیسک )آئی سی سی نے ٹیسٹ پلیئرزکی نئی رینکنگ جاری کر دی ہے جس کے مطابق انگلینڈ کے جو روٹ کی حکمرانی ختم ہوگئی۔۔
اورانگلش بیٹر ہیری بروک دنیا کے نمبر ون ٹیسٹ بیٹر بن گئے ۔ٹیسٹ بیٹرز کی رینکنگ میں جو روٹ دوسرے نمبر پر چلے گئے جبکہ نیوزی لینڈ کے کین ولیم سن کا تیسرا نمبر ہے ۔آسٹریلیا کے ٹریوس ہیڈ 6 درجے ترقی کے بعد پانچویں نمبر پر آ گئے جبکہ پاکستان کے سعود شکیل ٹاپ 10 میں شامل ہیں۔ بابر اعظم 19 ویں سے 18 ویں نمبر پر پہنچ گئے ہیں۔ بولرز کی رینکنگ میں بھارت کے جسپریت بمرا کی پہلی اور جنوبی افریقہ کے رباڈا کی دوسری پوزیشن ہے ۔آسٹریلیا کے جوش ہیزل ووڈ تیسرے نمبر پر ہیں۔علاوہ ازیں ٹی ٹونٹی رینکنگ میں ٹریوس ہیڈ بیٹنگ اور انگلینڈ کے عادل رشید بولنگ میں پہلے نمبر پر ہیں جبکہ ون ڈے بیٹرز میں بابر اعظم بدستور پہلے اور راشد خان بولنگ میں پہلی پوزیشن پر براجمان ہیں۔
