شانزے لودھی نے خانہ کعبہ کو ہاتھ لگاتے تصویر شیئر کردی
لاہور(شوبزڈیسک)معروف اداکار، میزبان و ماڈل عمر شہزاد کی نئی نویلی دلہن ماڈل و اداکارہ شانزے لودھی دیرینہ خواہش پوری ہونے پر جذباتی ہوگئیں۔
انسٹاگرام پر ماڈل نے خانہ کعبہ کو ہاتھ لگاتے ہوئے تصویر شیئر کی جس میں ان کے شوہر و اداکار عمر شہزاد بھی ان کے ساتھ ہی موجود ہیں۔پوسٹ کے کیپشن میں انہوں نے اپنے جذبات کا اظہار کرتے ہوئے لکھا ہے کہ برسوں سے میں اس لمحے کے لیے ترس رہی تھی کہ میں اپنے پیاروں کے ساتھ خانہ کعبہ کے سامنے کھڑی ہو سکوں، اس لمحے کے لیے دعا مانگ رہی تھی اور آخر کار میری تمام دعاؤں کا جواب مجھے بہت خوبصورت انداز میں مل گیا، جب میری دعائیں قبول ہوئیں تو یہ میرے لیے سب سے خوبصورت نعمت تھی جس نے میرے دل کو شکر گزاری سے بھر دیا، اپنے شوہر کے ساتھ پہلی بار خانہ کعبہ کو چھونے کا احساس ناقابل بیان تھا۔ تمام نعمتوں کیلئے الحمدللّٰہ اس محبت اور میرے خوابوں کی تکمیل کیلئے ، اللّہ تیرا شکر ہے کہ آپ نے یہ میری قسمت میں لکھا۔
