بیٹی کیلئے لڑکا دیکھنے پہلے خود اسکے گھر جاؤنگی:فضا علی
لاہور(شوبزڈیسک)معروف میزبان و اداکارہ فضا علی نے داماد تلاش کرنے کی اپنی حکمتِ عملی کے بارے میں کہاکہ جب میں اپنی بیٹی فرال کی شادی کروں گی۔۔۔
تو جس بھی لڑکے کا انتخاب کروں گی اس کے گھر خود جاؤں گی، پہلے لڑکے کو دیکھوں گی، اس کے تمام دوستوں سے ملوں گی، اس کے ساتھ کچھ وقت گزاروں گی تاکہ اس کے رہن سہن اور دوسروں کے ساتھ اس کے رویے کا علم ہو سکے ۔ میں بالخصوص اُس لڑکے کا عورتوں کے ساتھ رویہ دیکھوں گی، اس چیز کو بھی دیکھوں گی کہ اس کی زبان کیسی ہے، دوستوں میں اٹھتے بیٹھتے وقت غلط زبان کا استعمال تو نہیں کرتا۔ میں لڑکے کی شخصیت کو اچھے سے پرکھوں گی اور اس کے بعد اگر مجھے لگا کہ وہ میری بیٹی کے لیے موزوں ہے تب ہی میں شادی کے لیے رضا مندی کا اظہار کروں گی۔
روزنامہ دنیا ایپ انسٹال کریں
