عمران خان نے وزیر اعلیٰ پنجاب کا فیصلہ کر لیا ، اعلان آج متوقع
وزیر اعلیٰ پنجاب غریب اور پسماندہ علاقے سے ہوگا، عمران نے نشانیاں بتا دیں تبوک کے گورنر کا عمران خان کو ٹیلی فون، انتخابات میں کامیابی پر مبارکباد دی
اسلا م آباد( خصوصی نیوز رپورٹر ،نیوز ایجنسیاں، مانیٹرنگ ڈیسک، دنیا نیوز)چیئرمین تحریک انصاف عمران خان کی زیر صدارت مشاورتی اجلاس ہوا جس میں وزیر اعلیٰ پنجاب کی نامزدگی کے حوالے سے مشاورت مکمل کر لی گئی ہے ۔عمران خان کی جانب سے آج شام آئندہ وزیر اعلیٰ پنجاب کے نام کا اعلان متوقع ہے ، ذرائع کے مطابق عمران خان قومی اسمبلی کے آج سہ پہر ہونے والے اجلاس میں وزیر اعظم منتخب ہونے کے بعد نئے وزیر اعلی پنجاب کے نام کا اعلان کریں گے ، انھوں نے یہ اعلان اپنے وزیر اعظم منتخب ہونے تک روک رکھا ہے ۔ذرائع کے مطابق عمران خان نے پارٹی رہنماؤں کو وزیر اعلیٰ کی نشانیاں بتا دی ہیں۔ انہوں نے کہا کہ وزیر اعلیٰ پنجاب غریب اور پسماندہ علاقے سے ہوگا۔ دوسری جانب تبوک کے گورنر نے نامزد وزیرآعظم عمران خان کو ٹیلی فون کیا اور انتخابات میں کامیابی پر مبارکباد دی۔ شہزاد ہ فہد بن سلطان بن عبدالعزیز آل سعود نے پاکستان میں نئی حکومت کیلئے نیک خواہشات اور تمناؤں کو اظہار کیا۔ عمران خان نے شہزادہ فہد بن سلطان کا شکریہ ادا کیا۔
