نیوز الرٹ
  • بریکنگ :- کراچی: کورٹ پولیس ہائی پروفائل کیس کے ملزم کی حفاظت نہ کرسکی
  • بریکنگ :- کراچی:دعا منگی کیس کامرکزی ملزم ذوہیب قریشی فرار ہوگیا،پولیس ذرائع
  • بریکنگ :- کراچی: کورٹ پولیس جیل سےذوہیب قریشی کو پیشی پر لے کر گئی،ذرائع
  • بریکنگ :- کراچی: ملزم ذوہیب قریشی واپسی پر جیل نہیں پہنچا،ذرائع
  • بریکنگ :- کراچی: جیل واپسی پر قیدیوں کی گنتی کےدوران معاملہ کھلا،ذرائع
  • بریکنگ :- کراچی: پولیس اہلکار ذوہیب قریشی کو شاپنگ کرانے لےگئے تھے،ذرائع
  • بریکنگ :- دو اہلکار زیر حراست،فیروزآباد تھانےمیں مقدمہ درج کیاجارہاہے،ذرائع
  • بریکنگ :- کراچی:دعا منگی کو 30 نومبر 2019 کو ڈیفنس سےاغوا کیا گیا تھا،ذرائع
  • بریکنگ :- دعا منگی کی رہائی تاوان کی ادائیگی کےبعد عمل میں آئی تھی،ذرائع
  • بریکنگ :- ملزمان کو کراچی پولیس نے 18 مارچ کو گرفتار کیا گیا تھا
  • بریکنگ :- انھی ملزمان نےڈیفنس سے تاوان کیلئےبسمہ نامی لڑکی کو بھی اغوا کیاتھا
  • بریکنگ :- دونوں مقدمات انسداد دہشتگردی کی عدالت میں زیر سماعت تھے
Coronavirus Updates

پاکستان کو کسی دوسرے ملک کی کالونی نہیں بننے دینگے: فضل الرحمان

پاکستان کو کسی دوسرے ملک کی کالونی نہیں بننے دینگے: فضل الرحمان

چیلنج یہ معیشت بہترکون کریگا،حکمرانوں کولانے والے زیادہ ذمہ دار،ہمیں سب چیزوں کوٹھیک کرنا ہے ، حکومت دھاندلی کے ذریعے پھر اقتدارمیں آنا چاہتی ،نیب ہمیں کچھ نہیں کہہ سکتا ، کانفرنس سے خطاب

لاڑکانہ (بیورورپورٹ ، مانیٹرنگ ڈیسک ) سربراہ پی ڈی ایم مولانا فضل الرحمن نے کہا ہے کہ وطن عزیز کے لیے ہم نے پہلے بھی قربانیاں دیں اور اب بھی عزم کرنا ہے کہ کسی بین الاقوامی قوت کا ہمیں ساتھی نہیں بننا ۔انہوں نے ان خیالات کا اظہار جے یو آئی کے شہید لیڈر سابق سینیٹر ڈاکٹر خالد محمود سومرو کی ساتویں برسی پر شہید اسلام کانفرنس کے موقع پرجلسہ سے خطاب کرتے ہوئے کیا۔انہوں نے کہا کہ پاکستان کے ہر صوبے کے لوگ اپنے وسائل کے مالک ہیں ۔کوئی مائی کا لعل کسی دوسرے کے حق پر ڈاکا نہیں ڈال سکتا ۔آج پاکستان کی آزادی چھینی جارہی ہے ،ملک کا سٹیٹ بینک جعلی حکومت کی جعلی کابینہ نے براہ راست آئی ایم ایف کے حوالے کرنے کا منصوبہ بنایا ہے ۔ اس وقت پاکستان کے بقاء کو دائو پر لگایا جارہا ہے ۔ایسے حکمرانوں کولانے والے زیادہ ذمہ دارہیں،ہمیں سب چیزوں کوٹھیک کرنا ہے ، چیلنج یہ ہے اب کس طرح اس معیشت کوبہترکیا جائے گا۔عمران خان نے معیشت کا بیڑاغرق کردیا ۔پارلیمنٹ میں آج تک کوئی قانون سازی نہیں ہوئی،اگرقانون سازی ہورہی ہے توفیٹف کے کہنے پرہورہی ہے ۔ملک کو کسی دوسرے ملک کی کالونی بننے نہیں دیں گے ، جن کو ہم پر مسلط کیا گیا ان کی کوئی حیثیت نہیں انہیں شکست ہو چکی ہے ،حکومت دھاندلی کے ذریعے پھر اقتدارمیں آنا چاہتی ہے ، آج ڈالر آسمان تک پہنچ چکا ،ملکی روپے کی قدر گر گئی پاکستان برے حالات میں ہے ، مذہب سے متصادم قانون سازی بھی قبول نہیں کریں گے ، کس قوت کے کہنے پر یہ سب کچھ ہو رہا ہے کون کروا رہا ہے جواب ملنا چاہیے ، فوج کا ادارہ جرنیل کا ادارہ نہیں قوم کا ادارہ ہے ، نیب ہمیں کچھ نہیں کہہ سکتا ورنہ منہ کی کھانی پڑے گی۔سینیٹر عبدالغفورحیدری نے کہا کہ موجودہ حکومت کو ہم پر مسلط کیا گیا ہے ،پنڈورا پیپرز سے خود فائدہ اٹھانے والے ہمارے خلاف کیس بنا رہے ہیں ۔آج ہم پر کالے انگریزوں کی حکمرانی ہے ۔اس سے قبل مسلم لیگ ن کے رہنما شاہد خاقان عباسی نے خطاب کرتے ہوئے کہا کہ پی ڈی ایم غریبوں کی بات کررہی ہے ،شخصیات کی نہیں ۔ جب تک تمام ادارے اپنی آئینی حدود میں نہیں رہیں گے مسائل حل نہیں ہونگے ، جب ملک کا چیف جسٹس ملک کے نظام میں مداخلت کرتا ہے تو مسائل پیدا ہوتے ہیں، انہوں نے کہا کہ انتخابات چوری کیے جاتے ہیں جب تک آئین کی پاسداری نہیں ہوگی مہنگائی اور مسائل حل نہیں ہونگے ۔ مولانا عبدالغفور حیدری نے کہا کہ اب ہم انکی پگڑیاں اچھالیں گے جو بڑے خود کو پاک دامن کہتے تھے ۔

روزنامہ دنیا ایپ انسٹال کریں
Advertisement