چیف جسٹس سمیت اعلیٰ عدلیہ کے 7جج رواں سال ریٹائرڈ ہونگے
لاہور(محمداشفاق سے )چیف جسٹس آف پاکستان جسٹس گلزار احمد سمیت اعلی عدلیہ کے 7 ججز رواں سال ریٹائر ہو جائیں گے ۔
جسٹس عمر عطا اللہ بندیال ایک ماہ بعد 2 فروری کو چیف جسٹس آف پاکستان کا حلف اٹھائیں گے ،چیف جسٹس گلزار احمد سمیت سپریم کورٹ کے 5 اور لاہور ہائیکورٹ کے 2ججز 2022 میں ریٹائرہوں گے ۔چیف جسٹس پاکستان گلزار احمد یکم فروری کو ریٹائرڈ ہوجائیں گے ، جسٹس عمر عطا بندیال بطور چیف جسٹس پاکستان عہدہ کا
حلف دوفروری کو اٹھائیں گے ۔
سپریم کورٹ کے جسٹس قاضی امین 25مارچ ، جسٹس مقبول باقر 4اپریل ، جسٹس مظہر عالم مندوخیل13 جولائی ، سپریم کورٹ کے جسٹس سجاد علی شاہ 13 اگست کو ریٹائرڈ ہوجائیں گے ۔ علاوہ ازیں لاہور ہائیکورٹ کے جسٹس سردار احمد نعیم 30جون، جسٹس مسعود جہانگیر 2دسمبر کو عہدہ سے ریٹائرڈ ہوجائیں گے ۔
روزنامہ دنیا ایپ انسٹال کریں
