احساس راشن پروگرام: 8171ایس ایم ایس رجسٹریشن سروس آج سے دوبارہ کھولنے کا فیصلہ
اسلام آباد(سٹاف رپورٹر)وزیر اعظم کی معاون خصوصی سینیٹر ڈاکٹر ثانیہ نشتر نے کہا کہ لوگوں کی گہری دلچسپی کو مدنظر رکھتے ہوئے ہم نے احساس 8171 ایس ایم ایس سروس کو آج سے دوبارہ کھولنے کا فیصلہ کیا ہے ۔
جن خاندانوں کی ماہانہ آمدنی 50,000روپے سے کم ہے وہ اپنا کمپیو ٹرائزڈ قومی شناختی کارڈ نمبر 8171 پر بھیج کر اپنا اندراج کروا سکتے ہیں۔ درخواست دہندگان کے خاندان کا صرف ایک فرد جس کا موبائل نمبر اس کے اپنے کمپیوٹرائزڈ قومی شناختی کارڈ پر جاری کیا گیا ہے وہ 8171 کے ذریعے اپنے خاندان کو رجسٹر کروا سکتا ہے ۔ ویب پورٹل: https://ehsaasrashan.pass.gov.pk/ کے ذریعے ملک بھر میں کریانہ سٹورز کی رجسٹریشن جاری ہے ۔
روزنامہ دنیا ایپ انسٹال کریں
