زرمبادلہ ذخائر میں21کروڑ81لاکھ ڈالرکی کمی
کراچی(بزنس رپورٹر،مانیٹرنگ ڈیسک) زرمبادلہ کے ذخائر میں کمی کا سلسلہ جاری ہے ۔
گزشتہ ہفتے بھی مجموعی زرمبادلہ کے ذخائر میں21کروڑ81لاکھ ڈالرجبکہ سرکاری ذخائرمیں10کروڑ23لاکھ کی کمی ریکارڈکی گئی۔سٹیٹ بینک کے مطابق 26مئی کو ختم ہونے والے ہفتے کے دوران ملکی زرمبادلہ کے ذخائر 9ارب73کروڑ11لاکھ ڈالر کی سطح سے گرکر9ارب 51کروڑ30لاکھ ڈالر ریکارڈکیے گئے ،اس دوران مرکزی بینک کے ذخائر 4ارب19کروڑ30لاکھ کی سطح سے گرکر4ارب 9کروڑ7لاکھ ڈالر کی سطح پر آگئے ۔کمرشل بینکوں کے پاس 5ارب 42کروڑ23لاکھ ڈالر کے ذخائر موجود ہیں ۔
روزنامہ دنیا ایپ انسٹال کریں
