مذہبی منافرت پھیلانے والے دشمن سے ہوشیار رہنا ہو گا:انیق احمد
![مذہبی منافرت پھیلانے والے دشمن سے ہوشیار رہنا ہو گا:انیق احمد](https://dunya.com.pk/news/2023/September/09-18-23/news_big_images/2238237_20690913.jpg)
اسلام آباد(اے پی پی)وفاقی وزیر مذہبی امور و بین المذاہب ہم آہنگی انیق احمد نے گزشتہ روز مسیحی کیتھولک کارڈینل ڈاکٹر جوزف کوٹس سے ملاقات کی۔
ملاقات میں بین المذاہب ہم آہنگی، پاکستانی اقلیتی برادری کی فلاح و بہبود اور باہمی دلچسپی کے امور پر تبادلہ خیال کیا گیا۔ وزیر مذہبی امور انیق احمد نے کہا کہ دنیا کا کوئی بھی مذہب ہو، سب امن و آشتی اور بھائی چارے کی بات کرتے ہیں۔ پاکستان میں مذہبی منافرت پھیلانے کی کوشش کرنے والے دشمن سے ہوشیار رہنا ہو گا۔ انکے عزائم کو ملکر ناکام بنائیں گے ۔ کارڈینل ڈاکٹر جوزف کوٹس نے وزیر مذہبی امور کی آمد پر شکریہ ادا کرتے ہوئے کہا کہ اقلیتوں کی فلاح و بہبود کے حوالے سے حکومت پاکستان کی پالیسیاں اور رویہ ذمہ دارانہ ہے ۔ سانحہ جڑانوالہ کے بعد کیے جانے والے حکومتی اقدامات لائق تحسین ہیں۔ مسیحی عوام اپنی حکومت اور پاکستانی عوام کے شانہ بشانہ ملکی ترقی و خوشحالی کیلئے سرگرم ہیں ۔