21اکتوبر اتحاد کا دِن ،ترقی کی طرف نئے سفر کا آغاز ہوگا: شہباز شریف
لاہور(اپنے نامہ نگارسے ، دنیا نیوز ) شہباز شریف کی زیرصدارت ڈویژنل کوآرڈینیٹرز کا اجلاس ہوا۔ اکیس اکتوبر کی تیاریوں کے حوالے سے ڈویژنل کوآرڈینیٹرز نے پارٹی صدر کو آگاہ کیا ۔
اجلاس میں 21 اکتوبر کی تیاریوں کے حوالے سے تفصیلی غور کیاگیا۔ اکیس اکتوبر پاکستان اور پاکستانیوں کے لئے نوید سحر ہے ، شہبازشریف نے کہا کہ 21 اکتوبر مستقبل کی راہ عمل کے تعین کا دِن ہے ،21اکتوبر قوم کے اتحاد کا دِن ہے ، اکیس اکتوبرکو پاکستان ترقی کی طرف ایک نئے سفر کا آغاز کرے گا، ایسافلاحی ترقی کرتا پاکستان بنائیں گے جس میں مایوسی نہ ہو، مہنگائی نہ ہو، معاشی بدحالی نہ ہو، شہبازشریف نے کہا کہ مسلم لیگ (ن) کے کارکن اپنی بلند ہمتی اور پرجوش جذبوں سے ایک نئی تاریخ لکھ رہے ہیں۔مسلم لیگ ن کے صدر اور سابق وزیراعظم شہبازشریف سے پارٹی رہنماؤں نے ملاقات کی، ملاقات میں 21 اکتوبر کی تیاریوں کا جائزہ لیا گیا۔سابق وزیراعظم شہبازشریف سے ملاقات میں پارٹی رہنماؤں نے قائد نوازشریف کے استقبال کے انتظامات پر تفصیلی تبادلہ خیال کیا، شہبازشریف نے کہا کہ نوازشریف کی قیادت میں عوام کی امیدوں کو پھر پورا کریں گے ، ملک کو معاشی تباہی کے گڑھے سے پھر نکالیں گے ۔مسلم لیگ ن کے صدر نے مزید کہا کہ نوازشریف کی قیادت میں پھر سب ٹھیک کریں گے ، اِن شاء اللہ پھر ثابت کریں گے کہ سب ٹھیک ہوسکتا ہے۔
