سی ٹی ڈی پنجاب :7دہشتگرد گرفتار، بارود واسلحہ برآمد
لاہور(کرائم رپورٹر)محکمہ انسداد دہشتگردی پنجاب(سی ٹی ڈی)نے دہشت گردی کے خدشات کے پیش نظر مختلف شہروں میں کارروائیاں کرتے ہوئے 7 دہشتگردوں کو گرفتار کرلیا۔
ترجمان کاؤ نٹرٹیرر ازم ڈیپارٹمنٹ پنجاب کے مطابق راولپنڈی ،سرگودھا ،بہاولپور،پاکپتن، ساہیوال مختلف شہروں میں 248 انٹیلی جنس بیسڈ آپریشن کئے گئے ، اور اس دوران بہاولپور سے ٹی ٹی پی کے اہم کمانڈر سلمان کو گرفتارکر لیا گیا، دہشت گردوں سے بارودی مواد،2 ہینڈ گرینڈ ،2ای ڈی بم اور نقدی برآمد ہوئی ۔ دیگر ملزمان میں موسیٰ، خالد ،ندیم،اکمل اور یاسر یاسین بھی شامل ہیں ، دہشت گرد اہم تنصیبات پر حملے کی منصوبہ بندی کر رہے تھے ۔سی ٹی ڈی کے مطابق رواں ہفتے 1136 کومبنگ آپریشنز کے دوران 132 مشتبہ افراد گرفتار کیے ،کومبنگ آپریشنز میں 46467 افراد سے پوچھ گچھ کی گئی ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔
