اپوزیشن کی ریکوزیشن پر پنجاب اسمبلی کا آج اجلاس طلب
لاہور (سیاسی رپورٹرسے )اپوزیشن کی ریکوزیشن پر پنجاب اسمبلی کااجلاس آج 16 اپریل کو صبح 11بجے طلب کرلیا گیا ، گندم کی کم قیمت اور امن و امان کی صورتحال پربحث ہوگی۔
سپیکر پنجاب اسمبلی ملک محمد احمد خان کی جانب سے طلب کردہ اجلاس کا نوٹیفکیشن جاری کردیا گیا ہے ۔اپوزیشن اجلاس میں گندم کی خریداری ، گندم کی کم امدادی قیمت اور امن و امان کی صورتحال کو زیربحث لاناچاہتی ہے ۔