محکمہ خوراک پختونخوا نے گندم خریداری کے دوران سکیورٹی مانگ لی
پشاور(مانیٹرنگ ڈیسک)محکمہ خوراک خیبر پختونخوا نے گندم خریداری کے دوران سکیورٹی مانگ لی۔ایڈیشنل چیف سیکرٹری، محکمہ داخلہ اور آئی جی خیبرپختونخواکو سکیورٹی کیلئے مراسلہ ارسال کیا گیا ہے جس میں کہا گیا محکمہ خوراک مقامی مارکیٹ سے گندم کی محدود خریداری کررہاہے ۔
گندم خریداری کے دوران افسران کو شدید دباؤ اورممکنہ خطرات کاسامنا ہے ،محکمہ خوراک کے دفاتر اور گوداموں کیلئے سکیورٹی کی ضرورت ہے ۔محکمہ خوراک اور گندم گوداموں پر ایلیٹ فورس اہلکاروں کو تعینات کیا جائے ،محکمہ خوراک حاجی کیمپ بس اڈا جی ٹی روڈ پر واقع ہونے کے باعث غیرمحفوظ ہے ۔محکمہ میں سینکڑوں کی تعداد میں ملازمین اورعملہ موجود ہے ۔
روزنامہ دنیا ایپ انسٹال کریں
