پاک ترکیہ کی مشترکہ بحری مشق،پی این ایس بابرکی شرکت
اسلام آباد (این این آئی)پاک بحریہ کے جنگی جہاز پی این ایس بابر نے ترکیہ میں ترک بحریہ سے مشترکہ مشق میں شرکت کی اور اکسازنیول بیس کا دورہ کیا۔
مشق کا مقصد دونوں بحری افواج کے درمیان تعاون اور مشترکہ آپریشنز کی صلاحیت کو مزید بڑھانا ہے ۔آئی ایس پی آر نے کہا ٹیبل ٹاپ ڈسکشنز اور مشق کی کوآرڈی نیشن میٹنگز منعقد کی گئیں، سمندری مرحلے میں پی این ایس بابر کیساتھ ترک بحریہ کے جہاز، سب میرین اور ہیلی کاپٹر نے حصہ لیا۔ترک بحریہ کے کمانڈر سدرن ٹاسک گروپ کی کمانڈنگ افسر پی این ایس بابر سے ملاقات بھی ہوئی جس میں باہمی دلچسپی کے امور اور دو طرفہ بحری تعاون پر تبادلہ خیال کیا گیا۔
روزنامہ دنیا ایپ انسٹال کریں
