رکن قومی اسمبلی عبدالحکیم بلوچ کے حلقہ میں 4پولنگ سٹیشنز پر دوبارہ گنتی کا حکم
اسلام آ باد (آئی این پی )الیکشن کمیشن نے پیپلزپارٹی کے رکن قومی اسمبلی عبدالحکیم بلوچ کے حلقے این اے 231 ملیر میں 4 پولنگ سٹیشنز پر 11 اکتوبر کو ووٹوں کی دوبارہ گنتی کا حکم جاری کردیا۔
الیکشن کمیشن نے امیدواروں کو گنتی کا نوٹس بھی جاری کردیا۔ واضح رہے کہ 8 فروری کو الیکشن میں عبدالحکیم بلوچ صرف 389 ووٹوں کی برتری سے منتخب ہوئے تھے ، پی ٹی آئی حمایت یافتہ آزاد امیدوار خالد محمود نے انکی کامیابی کو چیلنج کیا تھا۔عدالت نے 4 پولنگ سٹیشنز پر دوبارہ گنتی کا حکم دیاتھا۔ پولنگ سٹیشنز نمبر 65 ، 71 ، 98 اور 175 میں دوبارہ گنتی ہوگی۔