کراچی : 5 سالہ بچہ مین ہول میں گر کر جاں بحق
کراچی(آئی این پی)شہر قائد کے علاقے شاہ فیصل کالونی میں پانچ سالہ بچہ کھلے مین ہول میں گر کر جاں بحق ہوگیا۔
افسوسناک واقعہ شاہ فیصل کالونی نمبر دو میں شادی ہال کے قریب پیش آیا، جس میں گرنے والے بچے کی شناخت پانچ سالہ حذیفہ کے نام سے ہوئی ہے ۔واقعے کے بعد ایدھی رضاکاروں نے بچے کی تلاش کیلئے ریسکیو آپریشن شروع کردیا ہے اور دو گھنٹے کی سخت جدوجہد کے بعد بچے کی لاش نکال لی۔افسوسناک سانحہ پر والدین اور اہل خانہ شدید غم کی حالت میں مبتلا ہیں جبکہ علاقہ مکین سراپا احتجاج ہیں۔
روزنامہ دنیا ایپ انسٹال کریں
