لاہور ہائیکورٹ: 10 خالی اسامیاں، 4 سیشن ججوں سمیت 50 وکلا کے نام جوڈیشل کمیشن کو ارسال
لاہور(محمد اشفاق سے)ججز کی تقرری کے رولز بننے کے بعد لاہور ہائیکورٹ میں 10 ججز کی خالی اسامیوں کے لیے 4 سیشن ججز سمیت 50 وکلا کے نام جوڈیشل کمیشن کو ارسال کردئیے گئے۔
رجسٹرار لاہور ہائیکورٹ عبہر گل خان ، ایڈووکیٹ جنرل پنجاب خالد اسحاق کا نام سر فہرست ، کمیشن کا اجلاس چیف جسٹس پاکستان یحیی آفریدی کی سربراہی میں 6فروری کو ہوگا۔تفصیلات کے مطابق لاہور ہائیکورٹ میں ججز کی خالی اسامیوں کی تعداد 25ہے جب کہ اس وقت صرف 35ججز فرائض سر انجام دے رہے ہیں، پہلے مرحلے میں ججز کی دس خالی اسامیوں کو پر کرنے کا فیصلہ کیا گیا، ججز کی تقرری کے لیے رولز بننے کے بعد دوبارہ نام جوڈیشل کمیشن کو ارسال کیے گئے ،یہ نام کمیشن کے تمام ممبران جس میں سپریم کورٹ کے سینئر ترین جج جسٹس سید منصور علی شاہ ،چیف جسٹس ہائیکورٹ مس عالیہ نیلم ، وزیر قانون اعظم نذیر تارڑ ، پاکستان اور پنجاب بار کونسل کے جوڈیشل کمیشن کے نمائندے، پیپلزپارٹی اور تحریک انصاف سمیت دیگر کی جانب سے ارسال کیے گئے جن میں میاں بلال بشیر، ،رانا شمشاد خان، ایم نوید فرحان، نوید احمد خواجہ، حارث عظمت، سیشن جج قیصر نذیر بٹ، سیشن جج محمد اکمل خان، سیشن جج جزیلہ اسلم، ایڈووکیٹ حیدر رسول مرزا، منور السلام علیکم، ایڈووکیٹ جنرل پنجاب خالد اسحاق، ایڈووکیٹ رافع ذیشان ،جاوید الطاف، بیرسٹر قاسم علی چوہان، عاصمہ ، صائمہ خالد محمود، ایڈووکیٹ ملک جاوید اقبال وینس، ایڈووکیٹ حسیب شکور پراچہ، ایڈووکیٹ شیگن اعجاز، ایڈووکیٹ ثاقب جیلانی، ایڈووکیٹ آیان طارق بھٹہ، ایڈووکیٹ نوازش پیرزادہ، صباحت رضوی، عنبرین راجہ، ایڈووکیٹ انتخاب شاہ، ایڈووکیٹ محمد اورنگزیب، ایڈووکیٹ مغیث اسلم ملک، ہما اعجاز، زمان غلام حسن نجوآن، اقبال خان، ، مقتدیر اختر شب، سلمان احمد،عثمان ساہی، نجف مزمل خان،حسن نواز مخدوم،سردار اکبر علی، ایڈووکیٹ ملک وقار حیدر اعوان، ایڈووکیٹ اسد محمود عباسی ، سید احسن رضا کاظمی،محمد اویس خالد، سلطان محمود،محمد جواد ظفر،عدنان شجاع بٹ، بشریٰ قمر ،محمد زبیر خالد، مشتاق احمد موہل، رضوان اختر اعوان، ساجد خان تنولی ،قادر بخش کے نام شامل ہیں ۔جوڈیشل کمیشن اجلاس میں 50ناموں میں سے دس ناموں کا چناؤ ہوگا۔
