تمام مسائل کا حل سیاسی انداز میں نکل سکتا : بلاول بھٹو
کراچی(مانیٹرنگ ڈیسک)چیئرمین پیپلز پارٹی بلاول بھٹو زرداری نے کہا ہے کہ پانی کے معاملے پر ہمارا موقف بالکل واضح ہے ۔ تمام مسائل کا حل سیاسی انداز میں نکل سکتا ہے ۔
حکومت سندھ کے پبلک پرائیویٹ کیرئیر پورٹل اور ایپلی کیشن ‘آئی ورک فار سندھ ’ کی افتتاحی تقریب سے خطاب کرتے ہوئے بلاول بھٹو زرداری کا کہنا تھا کہ جعفر ایکسپریس ہائی جیک کے بعد ہماری فورسز نے دہشتگردوں کو شکست دی۔ ان کا کہنا تھا ہم نے نئی کینالز پر قومی اسمبلی میں واضح موقف اختیار کیا ہے ۔ آپ کی آواز اسلام آباد تک پہنچائیں گے ۔ کچھ لوگوں کو احساس ہوا، انہوں نے تبصرہ بھی کرنا شروع کردیا ۔یہ کوئی نیا ایشو نہیں ہے ، ہر وقت وزیر اعلیٰ سندھ آپ کا مقدمہ لڑتے ہیں۔ بلاول بھٹو کا کہنا تھا کہ ہم مثبت سیاست پر یقین رکھتے ہیں،ہم چاہتے ہیں کہ زراعت ترقی کرے لیکن پانی کی تقسیم ٹھیک ہونی چاہیے ۔انہوں نے کہا کہ سندھ کے لوگوں کی جتنی نوکریوں کی ڈیمانڈ ہے ، اتنی سرکاری نوکریاں نہیں ۔ ہر کوئی وزیر اعلیٰ سے شکایت کرتا ہے ۔ اب اس پورٹل کے تحت ملازمت کے مواقع دستیاب ہوں گے ۔انہوں نے کہا سندھ کے عوام آکسفورڈ سے تعلیم حاصل کر سکتے ہیں، میں ہوکر آیا ہوں۔ہم ماڈرن ٹیکنالوجی کو استعمال کریں گے ۔
