بلوچستان ترقی کا دروازہ ، بند کرنیوالے ملک دشمن :شیخ رشید
راولپنڈی (خصوصی نامہ نگار)عوامی مسلم لیگ کے سربراہ شیخ رشید احمد نے کہا کہ بلوچستان ترقی کا دروازہ اسے بند کرنے والے ملک دشمن، عالم اسلام کو عید الفطر کی مبارکباد دیتا ہوں۔۔۔
دعا ہے اللہ تعالٰی ہمارے مسائل، پریشانیوں، نفاق، لڑائی جھگڑے اور دہشتگردی کو ختم کرے ۔آج اللہ سے رو رو کر مانگا ہے کہ ملک کو اسی جگہ لے جا جہاں لوگ سکون سے جی سکیں ، ملک میں امن کی فضا قائم ہو، معیشت بہتر ، نفرتیں کم ہوں اور ملک دوبارہ آن بان شان کے ساتھ ترقی کرے ۔نماز عید کے بعد لیاقت باغ میں میڈیا سے گفتگو کرتے ہوئے سابق وزیر نے کہا کہ اپوزیشن اتحاد کے لئے میرے ساتھ کسی نے رابطہ نہیں کیا، پاکستان میں مائنس تو کوئی نہیں ہوا، پاکستان میں اس وقت جو حالات ہیں، دعا کریں بہتر ہو جائیں اور یہ مائنس اور پلس کی لڑائی ختم ہو جائے۔
روزنامہ دنیا ایپ انسٹال کریں
