وزیرِ خزانہ کی آئی ایف سی ٹیم اور ایم ڈی آئی ایم ایف سے ملاقات
اسلام آباد(مانیٹرنگ ڈیسک،دنیا نیوز)وزیرِ خزانہ سینیٹر محمد اورنگزیب نے عالمی بینک اور آئی ایم ایف کے موسم بہار کے اجلاس کے موقع پر انٹرنیشنل فنانس کارپوریشن کی ریجنل وائس پریزیڈنٹ ہیلا شیخ روحو اور اُن کی ٹیم کے ساتھ ملاقات کی۔۔۔
جس میں نجی شعبے کی اصلاحات، توانائی کی منتقلی، مؤثر بلدیاتی مالیات اور مکمل روزگار جیسے شعبوں میں تعاون کے امکانات پر بات چیت کی گئی۔ڈیورسیفائیڈ پیمنٹ رائٹس پر پیش رفت کا جائزہ لیا گیا۔ریکوڈک تانبے اور سونے کی کان کے منصوبے کے لیے 2.5 ارب ڈالر کی قرض فنانسنگ میں آئی ایف سی کے قائدانہ کردار کو سراہا گیا۔وزیرِ خزانہ نے زور دیا کہ اس منصو بے کے فوائد مقامی آبادی تک بھی پہنچنے چاہئیں۔علاوہ ازیں وزیرخزانہ محمداورنگزیب نے آئی ایم ایف کی منیجنگ ڈائریکٹر کریسٹالینا جارجیوا سے بھی ملاقات کی۔
روزنامہ دنیا ایپ انسٹال کریں
