ایل او سی پر بلااشتعال بھارتی فائرنگ، پاک فوج کا منہ توڑ جواب
اسلام آباد(مانیٹرنگ ڈیسک)بھارت کی جانب سے لائن آف کنٹرول پر بلااشتعال فائرنگ کی جارہی ہے، پاک فوج نے دشمن کی کارروائی کا بھرپورجواب دیا۔
سکیورٹی ذرائع کے مطابق بھارت نے گزشتہ رات لائن آف کنٹرول پر متعدد مقامات پر پاکستانی پوسٹوں پر بِلا اشتعال فائرنگ کی،سکیورٹی ذرائع کا کہنا ہے کہ بھارت نے لائن آف کنٹرول پر نکیال، کھوئی رٹہ، شاردا، کیل، نیلم اور حاجی پیر سیکٹرز میں بلا اشتعال فائرنگ کی، پاکستانی فوج نے ان سیکٹرز میں دشمن کی بلا اشتعال فائرنگ کا منہ توڑ جواب دیا۔سکیورٹی ذرائع کے مطابق پاک فوج دشمن کی کسی بھی جارحیت کا منہ توڑ جواب دینے کے لئے ہر وقت تیار اور پر عزم ہیں۔
روزنامہ دنیا ایپ انسٹال کریں
