گوادر: گھر پر دستی بم حملہ 3زخمی، پولیس مقابلے میں حملہ آور ہلاک، اہلکار شہید
گوادر(نامہ نگار)گوادر میں ایک گھر پر دستی بم حملے میں تین افراد زخمی ہوگئے جبکہ پولیس کی فوری کارروائی میں ایک دہشت گرد ہلاک جبکہ فائرنگ کے تبادلے میں ایک اہلکار بھی شہید ہوگیا۔
بلوچستان حکومت کے ترجمان شاہد رند نے بتایا کہ دہشت گردوں نے گوادر میں بلال مسجد کے قریب ایک گھر پر دستی بم پھینکا جس کے نتیجے میں پنجاب سے تعلق رکھنے والے تین افراد زخمی ہوگئے پولیس نے واقعہ کی اطلاع ملتے ہی فرار ہونے کی کوشش کرنے والے حملہ آوروں کو گھیر لیا۔ ترجمان نے کہا کہ پولیس نے فرار ہونے والے حملہ آوروں کو پکڑ لیا ، فائرنگ کے تبادلے میں ان میں سے ایک مقابلے میں ہلاک ہوگیا، جبکہ دوسرا زخمی ہوگیا ۔ حکومتی ترجمان نے کہا کہ پولیس اہلکار محمد خماری فرض کی ادائیگی کے دوران شہید ہوئے ، ہلاک حملہ آور کی شناخت شاہجہان اور زخمی کی شہزاد کے نام سے ہوئی ہے۔
روزنامہ دنیا ایپ انسٹال کریں
