وفاقی بجٹ :سرکار ی ملازمین کا مطالبات کیلئے پارلیمنٹ کے باہر دھرنے کا اعلان
اسلام آباد(مانیٹرنگ ڈیسک)سرکاری ملازمین نے مالی سال 26-2025 کا وفاقی بجٹ پیش کئے جانے کے دوران مطالبات کے حق میں پارلیمنٹ کے باہر دھرنے کا اعلان کردیا ہے۔
چیف آرگنائزر آل گورنمنٹ ایمپلائز گرینڈ الائنس ر حمن باجوہ نے کہا کہ دھرنے میں ملک بھر سے سرکاری ملازمین شرکت کریں گے ، ہمارا مطالبہ ہے کہ وزیراعظم کی قائم کردہ سب کمیٹی اور آل گورنمنٹ ایمپلائز گرینڈ الائنس کے تحریری معاہدے پر عمل کیا جائے ۔انہوں نے کہا کہ ایڈہاک ریلیف الاؤنسز بنیادی تنخواہ میں ضم کر کے پے سکیل ریوائز کیا جائے ، مزدور کی کم از کم اجرت 50 ہزار مقرر کی جائے اور وفاقی سرکاری ملازمین کی پنشن اور تنخواہوں میں کم از کم 50 فیصد اضافہ کیا جائے ،مطالبات منظور ہوئے تو پارلیمنٹ ہاؤس کے سامنے یوم تشکر منائیں گے ۔
روزنامہ دنیا ایپ انسٹال کریں
