پٹرول 7.54روپے سستا،ڈیزل1.48روپے لٹر مہنگا
اسلام آباد(دنیا نیوز،مانیٹرنگ ڈیسک) حکومت نے پٹرول 7.54روپے سستا کردیا جبکہ ڈیزل کی قیمت میں 1.48روپے لٹر اضافہ کیا گیا ہے ۔ پٹرول کی قیمت 7 روپے 54 پیسے کمی سے نئی قیمت 264 روپے 61 پیسے فی لٹر ہوگئی ۔
ہائی سپیڈ ڈیزل کی قیمت ایک روپے 48 پیسے فی لٹر بڑھنے سے 285 روپے 83 پیسے فی لٹر ہو گئی۔ اس کے علاوہ پٹرول پر لیوی 77 روپے ایک پیسہ فی لٹر برقرار ہے جبکہ ڈیزل پر 78 روپے 2 پیسے فی لٹر لیوی برقرار رکھی گئی ہے ۔وزارت خزانہ کی جانب سے پٹرول اور ہائی سپیڈ ڈیزل کی نئی قیمتوں کا نوٹیفکیشن بھی جاری کردیا گیا ،اگلے 15 روز کیلئے نئی قیمتوں کا اطلاق رات 12 بجے سے ہوگیا۔
روزنامہ دنیا ایپ انسٹال کریں
